Communicaziuns

"Herby – l'app da correctura dal Grischun per las persunas d'instrucziun" survegn da GRdigital e da la regenza dal chantun Grischun ina decisiun da promoziun positiva. Il project ha ademplì tut ils criteris e tut las prescripziuns ed ha dumagnà ils pass dal process da decisiun cun il consentiment da tut ils gremis spezialisads. Ella vegn promovida cun ina contribuziun da maximalmain CHF 450'000.

A las duas interpresas Inside Labs SA da Laax e Spot Werbung Pircher Cantoni SA da San Murezzan garantescha la Regenza ina contribuziun chantunala da maximalmain 970 000 francs per lur project digital cuminaivel «Software per ecosistems digitals – dal Grischun per il turissem». Ella ha deliberà questa contribuziun en il rom da la Lescha davart la promoziun da la transfurmaziun digitala en il Grischun. Il project è budgetà cun circa 3,23 milliuns francs.

La Regenza ha garantì ina contribuziun chantunala da 105 000 francs a l’uniun «OL WM 2023 Flims Laax» per il project digital «App da cursa d’orientaziun per ils World Orienteering Championships 2023». Ella ha deliberà questa contribuziun en il rom da la Lescha davart la promoziun da la transfurmaziun digitala en il Grischun. L’entir project è budgetà cun circa 300 000 francs.

«Academia online per la branscha turistica» è l’emprim project da digitalisaziun che po profitar d’ina decisiun da promoziun positiva da GRdigital e da la regenza dal chantun Grischun. Il project ha ademplì tut ils criteris e mintga premissa e dumagnà tut ils pass da decisiun cun l’approvaziun dals gremis spezialisads. Nov mais suenter ch’il post administrativ da GRdigital ha cumenzà sia lavur signifitga quai in term essenzial ed ils process èn pronts per tractar ed evaluar la ulteriuras dumondas per sustegn finanzial.