Il secretariat

Tge ta motivescha da t’engaschar per GRdigital?
La transformaziun digitala ma fascinescha, perquai che ella renda pussaivel in vair midament. Cun GRdigital creain nus cundiziuns da basa, raits e sustegn concret, per che l’innovaziun en il chantun Grischun na vegnia betg mo discutada, mabain era realisada. Cun la Posta spezialisada Turissem pudain nus ultra da quai agir fitg pragmaticamain gist là nua che la necessitad d’agir è spezialmain gronda: tar il svilup digital da las organisaziuns turisticas. Quai che ma motiva è cur che da l’orientaziun nascha in effect concret.

Tge ta fa plaschair en tia professiun?
Igl èn las bleras persunas engaschadas, interpresas ed organisaziuns en il Grischun che vulan mover insatge. Gist en il turissem ves jau quant grond potenzial che dat, sch’i vegnan ensemen cumpetenza, avertadad e la voluntad d’agir. Il medem mument appreziesch jau fitg la collavuraziun cun noss team, la suprastanza, ils cussegls spezialisads e ils partenaris en il chantun. Transformaziun n’è mai ina prestaziun individuala – ella nascha adina communablamain. Attatgain quai!

Gioga la digitalisaziun ina gronda rolla er en tes temp liber?
Plitost betg. L’equiliber chat jau ordadora en las muntognas grischunas cun far sport e a chasa cun mia dunna, noss figl, amis, noss chaun e nossas duas giattas.

Contactescha Marcel: per e-mail, per telefon al 081 250 69 11 u reservascha in termin.

Tge ta motivescha da t’engaschar per GRdigital?
Viver, lavurar e sa recrear en in mund da muntognas impressiunant – quai tut definescha il Grischun. Quest chantun spezial sa chatta actualmain en in midadin profound social ed economic, inizialisà tras la transfurmaziun digitala, che vegn activamain accumpagnada e sustegnida da GRdigital. Perquai che jau hai grond plaschair tant da la digitalisaziun sco er da mia patria Grischun, m’engaschel jau cun tutta forza per quest midament.

Tge ta fa plaschair en tia professiun?
La transfurmaziun digitala porscha al Grischun la schanza da repensar la convivenza, il mund da lavur e l’innovaziun. Quai che ma motivescha è la visiun d’ina regiun pronta per il futur – cun persunas colliadas, interpresas curaschusas e soluziuns digitalas che creeschan in ver e persistent augment da valur.

Gioga la digitalisaziun ina gronda rolla er en tes temp liber?
Durant mes temp liber nizzegiel jau soluziuns digitalas per organisar e simplifitgar mia vita. Tuttina è impurtant per mai da viver cun intenzun muments analogs – cun la famiglia, amis ed en la natira. Plinavant che nossa vita quotidiana daventa digitala, pli prezius daventan quests muments persunals ed autentics.

Contactescha Daniel: per e-mail, per telefon al 081 515 08 33 u reservascha in termin.

Tge ta motivescha da t’engaschar per GRdigital?
Tar GRdigital ma plascha surtut il fatg che nus pudain contribuir activamain a l’innovaziun digitala en il chantun Grischun. La digitalisaziun simplifiescha nossa vita en blers secturs, ed è magnific d’animar soluziuns innovativas cun noss lavur e da sviluppar vinavant il chantun.

Tge ta fa plaschair en tia professiun?
Jau sun motivada da la voluntad da far la differenza e d’avantatgiar il chantun Grischun ed sias interpresas en la transfurmaziun digitala. Quai che ma inspirescha spezialmain è il barat cun persunas engaschadas ed avertas per novas ideas.

Gioga la digitalisaziun ina gronda rolla er en tes temp liber?
Gea, er en mia vita privata sun jau gugent digitala, per exempel cun apps per prest tut. Festivals e viadis fan er part da mes temp liber, e là na poss jau betg pli imaginar la vita senza tools digitals. Era en mia furmaziun cuntinuada ma faciliteschan documents online e process digitals considerablamain la vita quotidiana.

Contactescha Flurina: per e-mail, per telefon al 081 515 08 11 u reservascha in termin.