Netzwerk Schule 4.0

Il project «Rait scola 4.0» duai colliar in cun l'auter las acturas ed ils acturs da la transfurmaziun digitala sin differents stgalims da scola. Il project cumpiglia il svilup d'ina rait da cumpetenzas «Digitalisaziun e furmaziun» che ha la finamira da promover la spezialisaziun da persunas d'instrucziun en ils roms MINT (matematica, informatica, scienzas natiralas e tecnica).

En quest connex duai il focus per exempel vegnir mess sin incumbensas sco far tests e controllas da material didactic e da meds d'instrucziun, quai cun integrar novas tecnologias («augmented reality» u «virtual reality») en l'instrucziun, ubain coordinar e sustegnair projects da perscrutaziun, da svilup e da servetschs da la transfurmaziun digitala en la furmaziun (per vischnancas da scola, purtaders da scola, uffizis chantunals, organisaziuns dal mund da lavur e.u.v.).

Infurmaziuns principalas en vista d’egliada

• Annunziants: Scola auta da pedagogia dal Grischun (SAPGR)
• Approvà dal chantun ils: 20 da november 2025
• Custs dal project: CHF 600'000
• Contribuziun da sustegn: CHF 240'000

Documents

Ils documents che il project metta a disposiziun per l’utilisaziun libra vegnan arcunads qua.

Dumondas

Per dumondas pos ti ta drizzar a  info@grdigital.digital.