digidi 2026

• Data: 24 d’october 2026
• Lieu: Cuira
• Indicaziun: Ulteriuras infurmaziuns sco er in link per l’annunzia suondan proximamain.

Charas amias e chars amis dal digidi,

La data dal digidi 2026 è fixa: sonda ils 24 d’october 2026 ans scuntrain nus a Cuira per in di plain barat, inspiraziun e discussiuns davart il rumantsch en il spazi digital.

La squadra d’organisaziun ha evaluà las reacziuns dal digidi 2025 – grazia fitg per ils resuns sincers e constructivs. Quels ans han gidà da survegnir impurtantas enconuschientschas per pudair sviluppar vinavant e meglierar l’occurrenza quest onn. Nus essan stads spezialmain cuntents che l’onn passà èn sa furmadas uschè bleras gruppas da lavur. Quest format vulain nus puspè pussibilitar. Nov è dentant che nus vulain communitgar pli baud ils cuntegns da las gruppas da lavur e render ellas pli visiblas. Ulteriuras meglieraziuns èn gia en lavur.

Tut quai che ha da far cun il futur da nossa lingua en il spazi digital è bainvegni: da la revitalisaziun da la Vichipedia rumantscha, sur programs per smartphone e computer en rumantsch, fin ad applicaziuns d’IA u discussiuns pli profundas davart la suveranitad digitala. Ti pos gugent preschentar tes agen project u era cumpartir ina idea da project per chattar sustegn. Nus essan averts per tut quai che t’interessescha. Fin al digidi pudain nus segir era anc cumpartir ina u l’autra novitads davart projects digitals cun vus.