AI Mountain Summit

• Data: gievgia, ils 28 da matg 2026
• Lieu: Laax
• Temp: 09:00 fin 16:00
• Organisaziun: Weisse Arena Gruppe e digital-liechtenstein.li
• Temas: intelligenza artifiziala, transformaziun digitala, innovaziun e dumondas strategicas davart il futur
• Bigliets: bigliets limitads disponibels
• Indicaziun: ulteriuras novitads e bigliets sut www.mountainsummit.ai

Cun l’AI Mountain Summit nascha en il territori alpin in nov format da conferenza davart l’intelligenza artifiziala e la transformaziun digitala. L’occurrenza rimna persunas decisivas da l’economia, da la politica e da la perscrutaziun e creescha spazi per discussiuns strategicas, invistas praticas e barat persunal.

En in ambient alpin inspirant sin passa 2’000 meters sur mar sa deditgescha la conferenza a dumondas centralas che occupan actualmain bleras interpresas ed organisaziuns: tge svilups tecnologics marcheschan la proxima fasa da l’intelligenza artifiziala? Co po l’IA vegnir duvrada a moda productiva e responsabla? E tge novitadsziuns strategicas ston vegnir prendidas oz per restar cumpetitivas e cumpetitivs a lunga vista?

Il program collia keynotes cun formats interactivs, barat persunal ed attractivas zonas da networking. Sper referats classics èn er previs formats spezials da barat. Uschia han lieu singulas breakout sessions en gondlas da las pendicularas e creeschan novitads perspectivas per discussiuns e networking.

Tar las persunas referentas tutgan persunas renumadas da la tecnologia, da l’economia e da la scienza. Tranter auter èn da la partida l’autur ed analist digital Sascha Lobo, Marc Holitscher, CTO da Microsoft Svizra, sco er Reto Gurtner, Chairman da la Weisse Arena Gruppe. Ulteriurs impuls vegnan dad Adrian Ott, AI Leader tar EY, Christoph Schnidrig da Amazon Web Services Svizra, dal neuro-scienzià ed interprendider Pascal Kaufmann sco er dal schurnalist d’economia Wolf Lotter. Tras l’occurrenza maina il moderatur e schurnalist Tobias Müller da la televisiun svizra SRF.

L’AI Mountain Summit vegn organisà communablamain da la Weisse Arena Gruppe e da l’iniziativa da lieu digital-liechtenstein.li. Omadus partenaris persequiteschan la finamira da crear in nov punct d’inscunter per persunas decisivas, nua che temas centrals dal futur davart intelligenza artifiziala, digitalisaziun ed innovaziun vegnan discutads.

Program

La conferenza cumpiglia keynotes, formats interactivs, breakout sessions e novitadsaziuns da networking.

Persunas participantas tranter auter:

• Sascha Lobo, autur ed analist digital
• Marc Holitscher, CTO Microsoft Svizra
• Reto Gurtner, Chairman Weisse Arena Gruppe
• Adrian Ott, AI Leader EY
• Christoph Schnidrig, Head of Technology Amazon Web Services Svizra
• Pascal Kaufmann, neuro-scienzià e fundatur dad Alpine AI sco er da la Mindfire Foundation
• Wolf Lotter, schurnalist d’economia
• Moderaziun: Tobias Müller, SRF