Communicaziuns 18.08.2025
Contribuziun chantunala per in project digital duai revoluziunar la cultivaziun da spundas
En las planiras fa l'agricultura gia diever da l'automatisaziun e da l'electrificaziun cun blers novs products. Percunter datti en connex cun l'elavuraziun da las spundas, ch'è bler pli pretensiusa, mo paucas emprovas en questa direcziun. Per quest motiv ha la altatek ScRL da Tenna sviluppà ensemen cun la Scola auta spezialisada OST in prototip innovativ d'in vehichel d'in ischigl cun tracziun electrica per l'utilisaziun sin spundas ed en territoris stips. Ensemen cun la SASGR duai quest prototip ussa vegnir sviluppà vinavant e preparà per la producziun en seria. Il «AMEA» (dal tudestg: automatisierter multifunktionaler Einachser mit elektrischem Antrieb) distgargia persunas durant la lavur corporala pretensiusa, reducescha las grevezzas per l'ambient e po – grazia al spustament dal pais patentà – lavurar en moda autonoma. Tras l'uschenumnada procedura da teaching emprenda la maschina ad enconuscher obstachels ed evitescha tals en moda autonoma tar sias acziuns futuras. En la versiun da basa po AMEA vegnir dirigì cun in telecumond u a maun. Ses accu po plinavant vegnir utilisà sco accumulatur electric mobil.
Infurmaziuns actualas davart il project
Contact per dumondas supplementaras:
Daniel Fuchs
coordinatur dal project GRdigital
T +41 81 515 08 33
daniel@grdigital.digital