Blog 23.04.2024
IPM goes digital: Las interpresas da construcziun en il chantun Grischun dumognan la transfurmaziun digitala
Tecnologias digitalas revoluziunaras
Tecnologias sco Building Information Modeling (BIM), la mesiraziun da dronas e process cun agid da la KI revoluziuneschan la branscha da construcziun. Quests instruments digitals transfurman fundamentalmain las chadainas da valurisaziun ed avran novas pussaivladads. A medem temp confruntan ellas interpresas cun novas sfidas. Albert Knaus, mainagestiun da la Mettler Prader SA, punctuescha: “La transfurmaziun digitala è ina part integrala da nossa strategia d’interpresa e caracterisescha noss mintgadi.”
Gudogn da l’effizienza tras la digitalisaziun
L’implementaziun da process digitals pretenda al cumenzament resursas, ils avantatgs a lunga vista èn considerabels. Andaments pli effizients, in consum pli pitschen da resursas ed in augment da la qualitad dals resultats da construcziun chaschunan in augment persistent da l’effizienza e da la productivitad. Knaus declera che simulaziuns vi dal model digital da l’ovra da construcziun possian reducir drasticamain il temp per far ponderaziuns da project. La digitalisaziun na reducescha betg mo ils custs, ella augmenta er la qualitad dals resultats da lavur e renda pli attractiva las interpresas per persunas spezialisadas.
L’ uman en il center da la nova orientaziun digitala
Malgrà il progress tecnologic resta l’uman il center da la transfurmaziun digitala. Ins na considerescha betg mo sco innovaziun tecnica, mabain sco ina nova orientaziun strategica e cumplessiva. Quai è la clav per nizzegiar cumplettamain las schanzas che sa porschan e per garantir a lunga vista la cumpetitivitad.
La Mettler Prader SA sco precursura
La Mettler Prader SA è ina sparta da la transfurmaziun digitala da la branscha da construcziun en il chantun Grischun. L’ interpresa mussa, co che l’ innovaziun e las investiziuns en tecnologias modernas pon manar ad in success persistent. Numerusas ulteriuras IPM dal Grischun renconuschan l’ impurtanza da la midada digitala e passan curaschusamain sin la via en in futur collià.
Igl è temp d’agir!
Igl è temp che las interpresas en il chantun Grischun prendan e nizzegian las innovaziuns digitalas sco schanza per render lur projects pli segirs, pli effizients e pli persistents.
Faschain quai ensemen!
Marcel Meyer, mainagestiun grischun digital