Blog 21.03.2024
Instrucziun per il Grischun or da la transfurmaziun digitala tar il radio e la televisiun svizra (SRF)
Flexibilitad ed abilitad da s’adattar
L’exempel da SRF mussa ch’igl è en temps da midada indispensabel d’esser flexibel e capabel da s’adattar. Interpresas grischunas stuessan perquai strapatschar lur vias da decisiun, promover ina cultura d’experimentar, construir teams agils e nezegiar tecnologias da cloud e metodas agilas.
Investiziun en la transfurmaziun digitala
La SRF metta consequentamain sin ina strategia da transfurmaziun digitala cumplessiva che cumpiglia tranter auter l’ulteriur svilup da purschidas digitalas (p.ex. Play SRF), l’extensiun da la preschientscha en l’internet, il diever da social media ed il diever da big data ed analytics. Quai accentuescha l’ urgenza per las interpresas grischunas d’ investir en cumpetenzas digitalas, da trair a niz tecnologias modernas e models da fatschenta digitals, per che l’ atgna cumpetitivitad possia vegnir mantegnida.
Effizienza ed innovaziun
Mesiras da spargn pon vegnir nizzegiadas sco schanza per optimar process, per investir en tecnologias innovativas e per garantir il success a lunga vista tras in augment da l’effizienza. Igl SRF nezegia las mesiras da spargn denter auter per redimensiunar ils process da producziun, sviluppar novs instruments e novas plattafurmas digitalas e per investar en novas fuormas da collaboraziun.
responsabladad sociala
Malgrà las stentas da spargnar na dastga la responsabladad sociala betg vegnir negligida. Las interpresas duessan sustegnair las collavuraturas ed ils collavuraturs pertutgads cun als porscher pussaivladads da rescolaziun e furmaziun supplementara e cun als sustegnair tar la tschertga da novas offertas da plazza. La SRF porscha a ses collavuraturs differents programs da sustegn en il rom da “SRF 4.0”, sco cussegliaziun da carriera, coaching e purschidas da furmaziun supplementara.
Svilup cuntinuà da la strategia digitala
Il mund digital sa chatta cuntinuadamain en la midada. Perquai èsi impurtant da verifitgar ed adattar regularmain la strategia digitala per pudair reagir proactiv sin novs svilups. L’interpresa SRF evaluescha cuntinuadamain sia strategia da transfurmaziun digitala ed adatta quella als basegns ed a las sfidas actualas.
Il Grischun ha il potenzial da furmar activamain la midada digitala e da sa sviluppar ad in lieu economic innovativ e duraivel. La transfurmaziun da SRF po servir sco exempel e mussar l’urgenza da las mesiras necessarias.
Faschain quai ensemen!