Projects promovidas 25.06.2026
Pictomap – In cumpagnun culturalturistic tras spaziu e temp
Il project Pictomap ha la finamira da render accessiblas fotografias istoricas en moda digitala, d'identifitgar il lieu, nua che las fotografias èn vegnidas fatgas, e da cumplettar ellas cun infurmaziuns supplementaras. Per quest intent duain vegnir applitgadas tecnologias digitalas, sco la georeferenziaziun e l'intelligenza artifiziala, ed er metodas participativas. Plinavant èsi previs da promover l'utilisaziun dals cuntegns en ils secturs furmaziun, turissem cultural ed intermediaziun.
Tecnicamain vegn il project realisà en collavuraziun cun il spin-off da la FSGR «Locomot ScRL» sco er cun ulteriurs partenaris dals secturs furmaziun, perscrutaziun ed intermediaziun da cultura (Scola auta da pedagogia dal Grischun, Parc Naziunal Svizzer). Previsas èn tranter auter applicaziuns en il sectur dal turissem cultural, purschidas d'instrucziun per scolas sco er pussaivladads per la participaziun activa da la populaziun. Ils process existents da la digitalisaziun e da la metadataziun duain plinavant vegnir automatisads cun agid da l'intelligenza artifiziala e da la robotica.
Infurmaziuns principalas en vista d’egliada
- Annunziants: Fotostiftung Graubünden (FSGR)
- Approvà dal chantun ils: 25 da zercladur 2026
- Custs dal project: CHF 813'000
- Contribuziun da sustegn: CHF 320'000
Documents
Ils documents che il project metta a disposiziun per l’utilisaziun libra vegnan arcunads qua.
Dumondas
Per dumondas pos ti ta drizzar a info@grdigital.digital.