Projects promovidas
Distgargiar e segirar la qualitad da la tgira cun virtualisar cuntegns da scolaziun
Il project ha la finamira da manar tras en l’avegnir las scolaziuns per tgirunzas e tgirunzs cun agid da la realitad virtuala. Uschia duai esser pussaivel da distgargiar las persunas spezialisadas qualifitgadas d’incumbensas da scolaziun, da flexibilisar ils temps da scolaziun sco er da simplifitgar l’introducziun da novas collavuraturas e collavuraturs. La finala vegnan spetgads in augment considerabel da l’effizienza, ina distgargia da las tgirunzas e dals tgirunzs ed in augment da la qualitad dal provediment da tgira e da la segirezza da las pazientas e dals pazients.
«PixrealitiesTM» è ina soluziun da plattafurma virtuala da la firma Pixelmolkerei SA da Cuira, ch’è sa spezialisada sin trenaments virtuals, independents dal lieu e dal temp, per il persunal medicinal spezialisà. La firma transfurma il cuntegn da scolaziun en ina furma virtuala. Al letg da tgira virtual emprendan las tgirunzas ed ils tgirunzs cun agid d’egliers da video che als mainan en moda automatisada tras il program da scolaziun. La scolaziun duai esser concepida en moda interactiva, per che las collavuraturas ed ils collavuraturs possian gidar a reflectar activamain ed internalisar las acziuns ed ils moviments correspundents.
Las infurmaziuns las pli impurtantas en in’egliada
- Petenta/petent: Fundaziun Ospital chantunal dal Grischun
- Approvà dal Chantun pls: 2 da november 2023
- Cuts dal project total: CHF 4’740’000
- Contribuziun da promozione: CHF 1’836’000
Documents
Ils documents ch’il project metta a disposiziun per l’ulteriur diever vegnan archivads qua.
- In sguard en il futur: scolaziuns dal persunal cun egliers da VR a l’ospital chantunal dal Grischun (südostschweiz.ch dals 10-11-2023)
Dumondas
Sche ti has dumondas, pos ti scriver ad info@grdigital.digital.